Sentimenti e puisia ra matina 'a sira

Giuseppe Riccobono

• Editore: Youcanprint
• Anno: 2019
• ISBN:
  9788831611848
• Argomento: Literature
• Categoria: Poetry

Il titolo: "Sentimenti e puisia ra matina 'a sira", è molto eloquente, parlare dalla mattina a sera non è poi così difficile, gli argomenti possono spaziare e costruire tanti concetti di approvazione o di contrasto. Ogni tanto riscopriamo qualche termine del dialetto che ci fa discutere e sorridiamo infatti dobbiamo ricordare che questo dialetto è stato precursore dell'attuale lingua nazionale.

POESIE IN DIALETTO SICILIANO

(1) 'A VIRUTA

Capitannu 'nta lu me jardinu

doppu un’arrancata di zappari,

stancu m'assittavu ‘nta lu pitruni,

sutta l'arbulu o friscu.

Sulu sulu, sintia l'aceddi friscari

e viria certi voti ca lu

vintareddu annacava l'arbulicchi.

Taliannu a manu manca

si viria ri luntanu lu Casteddu,

firriannu 'a vista n’centru

li beddi pampini ri la vigna

si 'mmiscavanu cu stessu culuri

di l’acqua virdi ru mari.

A manu ritta, vicinu 'a casuzza,

li pecuri manciavanu l'ervra frisca.

Paria un quatru senza muvimentu,

e taliannu cuntentu senza pinseri,

vulia stari accussì, assai assai.

Tuttu m’arricriava

taliannu sta vista

mi sintia liggieru e in paci.

Quannu già sintia ri luntanu

li vuci ra chiamata ri primura

ri li fimmini ra casa.

Lu piaciri ri tutta sta viruta

'ppi ‘mmia rurò picca.

Vi cuntu stu fattu

picchì u' Signuri sulu a certuni

runa sta paci e tanta cuntintizza

(2) ‘A VARCA

Quannu si vattia ‘a varca,

vecchi, giuvani e picciriddi

fannu gran festa,

sunnu tutti cuntenti

e ‘a scinninu cantannu ‘nta la via

ppi la prima trasuta ‘nta lu mari,

già trepidu ca l’aspetta.

Sannu ca servi pi travagghiari

e ppi purtari lu panuzzu ‘nta la casa.

Lu parrinu, chiamatu di gran cursa,

n’apprufitta pi fari priari.

A varca, ca paria nica nica,

ppi lu patruni è na gran navi

e quannu a viri trasiri

è ‘ntisa pi teniri l’unna

chianci ri cuntitizza.

Ora ‘a varca è ‘ncapu lu mari,

priata e lucenti

s’annaca cuntenta

spirannu sempri l’ancilu m’puppa.

Tutti a talianu cuntenti

picchì pari ‘na fimmina

ca vasa lu sò amuri,

un ciuri marzulinu

carizzatu di lu ventu.

Tutti a gran vuci,

chiamanu lu so nomi

ca porta tinciutu a latu,

ca è chiddu beddu di Maria.

(3) ‘U CIURI

Un ciuri spuntò sutta lu marciaperi

‘nta strata m’mienzu l’erva,

sulu, nicareddu e siccu siccu.

Viria e sintia n’tornu lu munnu

ca curria assai.

Pinsava: “Picchì sugnu ccà?”,

mentri li machini si firmavanu

chi roti, vicinu vicinu

accupannu a vista ru suli.

A genti passava, s’innaddunava,

taliava ma continuava,

ci piaciva assai lassallu stari.

U vitti puru ‘u cani,

ca u ciarò, cuntinuò avanti

e ‘nta rota fici u sò bisognu.

Cu anticchia d’acqua ri cielu

acchianò tanta forza

ca cunfusu ppi l’arruciata

aumintò a sò biddizza.

‘Nna bedda picciotta chi passiava

s’innaddunò e subitu si calò

e cu tanta forza lu scippò.

Cu tantu piaciri

su strinciu ‘nta lu beddu pettu.

“Ahi, ahi, chi duluri!”, dissi lu ciuri

mentri stava murennu,

ma cuntentu, appi a forza i riri:

“Sulu i beddi fimmini virunu

i beddi ciuri e sannu

comu acchiappari a furtuna

e fari arricriari a vista all’avutri

nzemmula a mia e ‘a sò bedda fiura”.

(4) ‘U CURUZZU NICU NICU

Ti sentu sempri rintra ‘i mia,

curuzzu nicu nicu.

Si sempri comu ‘u ruggiteddu,

ca vai avanti, araciu araciu.

Muturi mai stancu

ri tutti li muvimenti.

Sempri scurdatu ri tutti ‘i pinseri

e ri tutti i sintimenti.

‘Nni ricurdamu ri tia

quannu c’è l’amuri,

picchì cori fa rima cu amuri.

Ma quannu t’accumincia a lassari

allura sunnu veri duluri.

“Ahi, cori miu,

sunnu duluri d’amuri

o duluri ru cori?”

“L’amuri cura lu cori?

O lu cori cura l’amuri?”

Era chiddu ca mi ricia

una bedda picciotta,

tutti e dui, hannu a stari zemmula,

picchì rinescinu a ‘mmiscarisi

e fari accuss...

Indice dei contenuti

• PREFAZIONE
• POESIE IN DIALETTO SICILIANO
• TRADUZIONE IN LINGUA ITALIANA