Carlo Porta

Poemetti. Traduzione in versi

Elio Gioanola

• Editore: Jaca Book
• Anno: 2021
• ISBN:
  9788816802100
• Argomento: Letteratura
• Categoria: Critica letteraria

Scrive Elio Gioanola: "Purtroppo i dialetti stanno scomparendo, travolti dall'italiano televisivo e a me, nato dialettale, sembra una perdita molto grave. Per questo ho deciso di tradurre Carlo Porta, col desiderio di rendere in qualche modo leggibile questo poeta anche a chi non è più in grado di gustarne direttamente le invenzioni. La sua poesia rappresenta una delle acquisizioni più alte della letteratura italiana, degna di reggere il confronto con le maggiori conquiste inventive della nostra tradizione. Di qui l'impresa di rendere in versi endecasillabi il testo portiano che, come in tutti i dialetti, è più breve dell'italiano, senza danneggiarlo ulteriormente. Il lavoro della resa testuale in italiano è preceduto da un'ampia e molto articolata introduzione critica, che mira a un'interpretazione globale della poesia portiana, intesa appunto come uno dei capolavori assoluti della letteratura dell'Italia preunitaria".

1

DISGRAZIE DI GIOVANNINO BONGERO

Desgrazzi de Giovannin Bongee

Deggià, Lustrissem, che semm sul descors

de quij prepotentoni de Frances,

ch’el senta on poo mò adess cossa m’è occors

jer sira in tra i noeuv e mezza e i des,

giust in quell’ora che vegneva via

6

sloffi e stracch come on asen de bottia.

Seva in contraa de Santa Margaritta

e andava inscì bell bell come se fa

ziffoland de per mì sulla mia dritta,

e quand sont lì al canton dove che stà

quell pessee che gh’ha foeura i bej oliv

12

me senti tutt a on bott a dì: Chi viv?

Vardi innanz, e hoo capii dall’infilera

di cardon e dal streppet di sciavatt

che seva daa in la rondena, e che l’era

la rondena senz’olter di Crovatt;

e mì, vedend la rondena che ven,

18

fermem lì senza moeuvem: vala ben?

Quand m’hin adoss che asquas m’usmen el fiaa

el primm de tutt, che l’eva el tamborin,

traccheta! sto asnon porch del Monferaa

el me sbaratta in faccia el lanternin

e el me fa vede a on bott sô, luna, stell,

24

a ris’c de innorbimm lì come on franguell.

Seva tanto dannaa de quella azion

che dininguarda s’el fudess staa on olter.

Basta: on scior ch’eva impari a sto birbon,

ch’el sarà staa el sur respettor senz olter,

dopo avemm ben lumaa, el me dis: Chi siete?

30

Che mester fate? Indove andè? Dicete!

Chi sont?, respondi franco, in dove voo?

Sont galantomm e voo per el fatt mè;

intuitù poeu del mestee che foo,

ghe ven quaj cossa de vorell savè?

Foo el cavalier, vivi d’entrada, e mò!

36

ghe giontaravel fors quaj coss del so?

Me par d’avegh parlaa de fioeu polid,

n’eel vera? Eppur fudessel ch’el gh’avess

ona gran volentaa de taccà lid,

o che in quell dì gh’andass tusscoss in sbiess,

el me fa sercià sù de vott o des

42

e lì el me sonna on bon felipp de pes.

Hoo faa mì dò o trè voeult per rebeccamm

tant per respondegh anca mì quajcoss,

ma lu el torna de capp a interrogamm,

in nomo della legge, e el solta el foss,

e in nomo della legge, già se sa,

48

sansessia, vala ben?, boeugna parlà.

E lì botta e resposta, e via d’incant;

Chi siete? Giovannin. La parentella?

Bongee. Che mester fate? El lavorant

de frust. Presso de chi? De Isepp Gabella.

In dovè? In di Tegnon. Vee a spass? Voo al cobbi.

54

In cà de voi? Sursì. Dovè? Al Carrobbi.

Al Carrobbi! In che porta? Del piattee.

Al numer? Vottcent vott. Pian? Terz, e inscì?

El sattisfaa mò adess, ghe n’hal assee?

Fussel mò la franchezza mia de mì,

o ch’el gh’avess pù nient de domandamm,

60

el va, e el me pienta lì come on salamm.

Ah, Lustrissem, quest chì l’è anmò on sorbett,

l’è on zuccher fioretton resguard al rest;

el sentirà mò adess el bel casett

che gh’eva pareggiaa depôs a quest.

Proppi vera, Lustrissem, che i battost

66

hin pront come la tavola di ost.

Dopo sto pocch viorin, gris come on sciatt

corri a cà che né vedi nanch la straa,

foo per dervì el portell, e el troeuvi on tratt

nient olter che avert e sbarattaa…

Stà a vedè, dighi subet, che anca chì

72

gh’è ona gabola anmò contra de mì.

Magara inscì el fudess staa on terna al lott,

che almanch sta voeulta ghe lassava el segn!

Voo dent… ciappi la scara… stoo lì on bott,

doo a ment… e senti in sui basij de legn

dessora inscimma arent al spazzacà

78

come sarav on sciabel a soltà.

Mì a bon cunt saldo lì: fermem del pè

della scara… e denanz de ris’cià on pien

col fidamm a andà sù, sbraggi: Chi l’è?

Coss’en disel, Lustrissem, vala ben?

A cercà rogna inscì per spassass via

84

al dì d’incoeu s’è a temp anch quand se sia.

Intant nessun respond, e sto tricch tracch

el cress, anzi el va adree a vegnì debass…

Ghe sonni anmò on Chi l’è pù masiacch,

ma, oh dess! l’è pesc che né parlà coi sass;

infin poeù a quante mai sbraggi: Se po’

90

savè chi l’è on voeulta, o sì o nò?

Cristo! quanti penser hoo paraa via

in quell’attem che seva adree a sbraggià!

M’è fina vegnuu in ment, Esuss Maria!

ch’el fuss el condam reficciô de cà,

ch’el compariss lì inscì a fà penitenza

96

de quij pocch ch’el s’è tolt sulla conscienza.

El fatt l’è ch’el fracass el cress anmò;

e senti ona pedanna o...

Indice dei contenuti

• Copertina
• Frontespizio
• Copyright
• Indice
• Premessa
• Introduzione: In principio era il dialetto
• 1. Disgrazie di Giovannino Bongero
• 2. Una visione
• 3. Fra Diodato
• 4. Un miracolo
• 5. Altre disgrazie di Giovannino Bongero
• 6. Fra Ginepro
• 7. La Ninetta del Verziere
• 8. La messa nuova
• 9. Il viaggio di fra Condotto
• 10. Un funerale (Il Miserere)
• 11. Una stregoneria
• 12. Lamento del Marchione dalle gambe storte
• 13. La nomina del cappellano
• 14. Il romanticismo
• 15. La preghiera
• 16. Meneghino servitore delle ex monache
• Appendice: Dieci sonetti
• Profilo di Carlo Porta